Friday, August 24, 2007

క్యాప్సికం మసాల

!!! కావలసినవి !!!
క్యాప్సికం - 2
ఆనియన్స్ 2
పచ్చిమిరపకాయలు - 5
కారం - 1 tbl spoon
ధనియాలు - 1 tbl spoon
నువ్వులు - 1/4 cup
వేరుశనగుళ్ళు - 1/2 cup
కొబ్బరి - 1/2 cup (పొడి)
ఆవాలు - 1/4 tbl spoon
మెంతులు -చిటికెడు
చింతపండు - నిమ్మకాయంత(నీళ్ళల్లో నానబెట్టాలి)
ఉప్పు -తగినంత
నునె - 3 tbl spoons
కొత్తిమెర

!!! తయారు చేసే విధానం !!!
1.పాన్ లో (నునె లేకుండ)ధనియాలు, వేరుశనగుళ్ళు, నువ్వులు,కొబ్బరి వేసి
వేయించి దానిని మంట మీద నుంచి దింపి చల్లారబెట్టాలి.
2.ఇప్పుడు దానిని గ్రైండ్ చేసుకోవాలి (కొంచెం నీళ్ళు పోసి గ్రైండ్ చెయ్యాలి).
3.పాన్ లో నునె వేసి అందులో ఆవాలు, మెంతులు వేయించాలి.
4.ఇప్పుడు ఆనియన్ ముక్కలు,పచ్చిమిరపకాయలు వేసి వేయించాలి.
5.అందులో క్యాప్సికం ముక్కలు వేసుకొని వేయించాలి.
6.అది కొంచెం వేయించాక దానిలో గ్రైండ్ చేసి పెట్టుకున్నవేరుశనగుళ్ళుముద్దనీ
వేసి వేయించుకొవాలి.
7.అందులో కారం,ఉప్పు వేసి వేయించాలి.
8.ఇప్పుడు నానబెట్టి వుంచుకున్న చింతపండు పులుసు కొంచెం అందులో వేసి, అది కొంచెం గట్టి పడేవరకు వుంచాలి.
9.అలా కొంచెం గట్టిపడేక మంట మీద నుంచి దింపేముందు కొత్తిమెర వేయ్యాలి.

దొండకాయ వేపుడు

!!! కావలసినవి !!!

దొండకాయలు - 1/2 kg
ఆనియన్ - 1
ఆవాలు - 1 tbl spoon
పసుపు -చిటికెడు
కారం - 1/4 to 1/2 tbl spoon
కొబ్బరి పొడి - 1/4 to 1/2 tbl spoon
ఉప్పు -తగినంత
కరివేపాకు - 5
నునె - 3 to 4 tbl spoons

!!! తయారు చేసే విధానం!!!

1.దొండకాయల్ని సన్నగ పొడుగ్గ కట్ చేసుకోవాలి.
2.ఇప్పుడు పాన్ లో నునె వేసి దానిలో ఆవాలు కరివేపాకు వేసి వేయించాలి.
3.అందులో ఆనియన్ ముక్కలు(సన్నగ పొడుగ్గ)వేసి వేయించాలి.
4.ఇప్పుడు దొండకాయ ముక్కలు వేసి కొంచెంవేయించాక
అందులో కారం, పసుపు, ఉప్పు వేసి దొండకాయ ఉడికేవరకు బాగా వేయించాలి.
5.ఇప్పుడు కొబ్బరి వేసి 5 నిమషాలు వేయించాలి.
6.దొండకాయ వేపుడునీ వేడి వేడి అన్నంతో ఆరగించండి:)
::::::::::::::::::::::::::::::::::::::::::::::::::::::::::::::::::

Thursday, August 23, 2007

టోమాటో రైస్


కావలసినవి:::--

బాస్మతి రైస్-- ---- 2 cups(250 gms)
టొమాటోలు--- ---- 4
బఠాణిలు-- - ------1/2 cup(నానబెట్టి,వుడికించాలి)
బంగాలదుంప--- - 1
ఆనియన్స్------- 2 (సన్నగ పొడుగ్గ)
పచ్చిమిర్చి------ - 4
అల్లం వెల్లుల్లి పేస్టు ---- 1 1/2 tbl spoon
లవంగాలు ------------ 5
యాలకులు---------- - 3
బిర్యాని ఆకు ---------- 3
ఉప్పు - తగినంత
కొత్తిమెర
కొద్దిగ గరం మసాల పౌడర్ 

!! తయారు చేసే విధానం !!

1.కూకర్ లో నునె వేసి వేడి చేసి అది వేడి అయ్యాక అందులో లవంగాలు, యాలకులు, బిర్యాని ఆకు వేసి వేయించాలి.
2.ఇప్పుడు ఆనియన్స్, పచ్చిమిర్చి వేసి వేయించాలి.

3.అది వేయించాక అందులో అల్లం వెల్లుల్లి పేస్టు వేసి వేయించాలి.టొమాటో ముక్కలు వేసి వేయించాలి.

4.దానిలో బఠాణిలు,బంగాలదుంప ముక్కలు వేసి కొంచెంసేపు వేయించి అందులో కొద్దిగ గరం మసాల పౌడర్  ఉప్పు వేసి కలపాలి.

5.ఇప్పుడు బియ్యం కడిగి అందులో వేసి కొంచెంసేపు వేయించి అందులో నీళ్ళు(ఒక కప్పు బియ్యం కి 1 1/2 లేదా 2 కప్పు నీళ్ళు)పోసి ఒక విసెల్ రానివ్వాలి.

6.అందులో కొత్తిమెర వేసి కలపాలి.ఇప్పుడు వేడి వేడి టొమటొ రైస్ నీ ఆరగించండి.

Wednesday, August 22, 2007

క్యారట్ హల్వా

కావలసినవి::

తురిమిన క్యారట్.....2 కప్పులు
చక్కెర....................100 gm
నెయ్యి....................50 gm
జీడిపలుకులు.........10
యాలకుల పొడి.......1 tsp
పాలు......................1/2 lit

చేసే విధానం::

ముందుగా క్యారట్,చక్కెర కలిపి ఒక మందపాటి గిన్నెలో వేసి ష్టవ్ మీద పెట్టాలి.
ఆ తర్వాత పాలు పోసి ఉడికించాలి.

పాలు కాస్త దగ్గర పడ్డాక జీడిపప్పుముక్కలు,యాలకుల పొడి వేసి కలపాలి.
పూర్తిగా ఉడికి దగ్గర పడ్డాక నెయ్యివేసి కలిపి దించేయాలి.
ఆహా...ఏమి రుచీ......

సున్నుండలు

కావలసినవి::

మినప్పప్పు..........100 gms
పంచదార.............100 gms
ఏలకులు..............6
నెయ్యి.................50 gms

చేసే విధానం::

ముందుగా మినప్పప్పును ఖాళీ మూకుడు లో కమ్మని వాసన వచ్చేవరకు నిదానంగా
వేయించి మెత్తగా పొడి చేసుకోవాలి.

చక్కర ఏలకులు కలిపి మెత్తగా పొడి చేసుకోవాలి.

ఇప్పుడు మినప్పప్పు పొడి, చక్కర పొడి రెండింటిటిని బాగా కలపాలి.

కొద్ది కొద్దిగా తీసుకుని కరిగించిన నెయ్యి పోసి ఉండలుగా కట్టి పెట్టుకోవాలి.
ఇవి మాంచి పుష్టికరమైనవి.

మరి మీరూ చేసి చూడండీ...
(మినుములతో కూడా ఇలాగే చేయాలి )
)*( )*( )*( )*( )*( )*( )*( )*( )*( )*( )*( )*( )*(

రవలడ్డు







కావలసినవి::

బొంబాయి రవ్వ.........250 gms
చక్కర...............250 gms
ఎండు కొబ్బరి పొడి.......50 gms
ఏలకులు.............4
జీడిపప్పు............ 10
కిస్మిస్...............10
పచ్చ కర్పూరం పొడి......1/3 టేబల్‌స్పూన్
నెయ్యి...............50 gms
పాలు...............100 ml

చేసే విధానం::

ముందుగా నెయ్యి కరిగించి జీడిపప్పు,కిస్మిస్ కొద్దిగా వేయించి
అందులోనే రవ్వను కమ్మని వాసన వచ్చేవరకు దోరగా వేయించాలి.

చక్కర ఏలకులు కలిపి మెత్తగాపొడి చేసుకోవాలి.

వేయించిన రవ్వ,ఎండుకొబ్బరిపొడి,పంచదార పొడి,పచ్చకర్పూరం పొడి ,
అన్నిబాగాకలిపికొద్దికొద్దిగా పాలు చల్లుకుంటూ ఉండలుగా చేసి పెట్టుకోవాలి.

చాలా సులబంగా ఈజీగా అయ్యే స్వీట్ అంటే ఇదే కాబోలు

తప్పక నేర్చుకోండి మీరు కూడ...ఆహా...ఏమి రుచీ...

నువ్వుల లడ్డు

కావలసినవి

తెల్ల నువ్వులు.......200 gm
బెల్లం.................200 gm
నెయ్యి................2 టేబల్‌స్పూన్స్
ఏలకులు............5

చేసే విధానం::

బెల్లం కరిగించి వడకట్టుకోండి
నువ్వులు మూకుడులో వేసి దోరగా వేయించండి.

బెల్లం ముదురు పాకం చేసుకొని ఉంచండి.

ఒకచిన్న పళ్ళెంలో నీళ్ళు పోసి రెందు చుక్కలు పాకం అందులో వేస్తే అది వెంటనె ఉండకట్టాలి.
అది ముదురు పాకం అంటే....

ఈ ముదురు పాకంలో నెయ్యి, ఏలకుల పొడి నువ్వులు అన్నీ వేసి బాగా కలిపి దించేయండి.

పళ్ళెంలో నెయ్యి రాసి చిన్న గరిటతో ఈ నువ్వులపాకాన్ని కొద్ది కొద్దిగా వేసి
చేయి తడి చేసుకుంటూ జాగ్రత్తగా వేడి మీదనే ఉండలుగ చేసుకోవాలి.
అరగంట ఆరిన తర్వాత డబ్బాలో వేసి పెట్టుకోడమే.
నాగులకు ఈ నైవేద్యమంటే మహా మక్కువ...మీరూ Try చేయండి
ఆ...హా...ఏమి..రుచీ....
****************************************

జాంగ్రీ

!!! కావలసినవి !!!

మినప్పప్పు 250 gm
బియ్యం గుప్పెడు
పంచదార 1/2 kg
మిఠాయిరంగు చిటికెడు
నెయ్యి లేక నూనె వేయించడానికి

!!! చేసే విధానం !!!

మినప్పప్పును శుభ్రం చేసి బియ్యం కలిపి నీళ్ళు పోసి 4 గంటలు నాననివ్వాలి.
తర్వాత ఈ పప్పును కాటుకలాగా మెత్తగా రుబ్బుకోవాలి.
పంచదారలో కప్పుడు నీళ్ళు పోసి జిగురుపాకం చేసి మిఠాయిరంగు వేసి కలిపి పక్కన పెట్టుకోవాలి.
ఒక మందపాటి గుడ్డకు రంధ్రం చేసి ,అంచులు కుట్టి, అందులో ఈ పిండి వేసి నాలుగుమూలలు కలిపి
మూటలాగా పట్టుకుని వేడి నూనెలో చుట్టలుగా వత్తుకోవాలి.
ఎర్రగా కాలినతర్వాత తీసి పాకంలో వేయాలి.
అలా అన్ని చేసుకుని రెండుగంటలు పాకంలో నాననిస్తే, జాంగ్రీలు గుల్ల విచ్చి పాకం బాగా
పీలుచుకుని మృదువుగా ఉంటాయి.
జాంగ్రీ ,లేదా జిలేబీలు ,చేయడానికి ప్లాస్టిక్ బాటిల్ వంటిది దొరుకుతాయి.
అవి కూడా ఉపయోగించుకోవచ్చు...మీరూ....రెడినా ? :)
shadruchulu.blogspot.com ....సేకరించినది
!*!*!*!*!*!*!*!*!*!*!*!*!*!*!*!*!*!*!*!*!*!*!*!*!*!*!

పెసర బొబ్బట్లు




కావలసినవి::

పెసరపప్పు........అర కేజీ
చక్కెర...........అర కేజీ
రవ్వ............200gm
మైదా...........ముప్పావు కేజీ
యాలకుల పొడి.....1 టేబల్‌స్పూన్
నెయ్యి లేదా నూనె...పావు కేజీ
పచ్చకర్పూరం......1/3 టేబల్‌స్పూన్

చేసే విధానం::

పెసరపప్పును బాగా కడిగి ఒక గంట సేపు నీటిలో నాననివ్వాలి.
నానిన పప్పును మెత్తగా రుబ్బుకోవాలి.

రుబ్బిన పప్పును ఆవిరిపై ఉడికించుకోవాలి.

ఉడికిన ముద్దను చల్లార్చి చిదిమి పొడి చేసుకుని చక్కరలో కొంచెం నీళ్ళు పోసి తీగ
పాకం పట్టి పెసరపప్పు పిండిని పకంలో చేర్చాలి.

ఉడుకుతుండగా అందులో కొంచెం నెయ్యి,యాలకుల పొడి పచ్చకర్పూరం వేసి గట్టి పడేవరకు వుంచాలి.
ఆ తర్వత దించేయాలి.

చల్లారాక ఈ పూర్ణాన్ని చిన్న చిన్న వుండలు చేసుకుని వుంచుకోవాలి.

మైదా, రవ్వ కలిపి నీళ్ళు పోసి పూరిపిండిలా తడిపి గంట నాననివ్వాలి.

ఒక పాలిధిన్ పేపర్‌కు నూనె రాసి పూరిపిండిని చిన్న వుండలుగా చేసి
వెడల్పుగా వత్తుకుని మధ్యలో పూర్ణం ముద్దను పెట్టి అంచులు మూసేసి
దాన్ని చపాతీలా వత్తుకుని వేడి పెనంపై వేయండి వేస్తూ
రెండువైపులానెయ్యి లేక నునె రాస్తూ కాల్చుకోవాలి.
వేడి వేడి గా తింటే...ఆ..హా..ఏమి..రుచీ...ఆహా..
పండగలకు మాంచి పూర్ణం బొబ్బట్లు ....

చలిమిడి

కావలసినవి::

బియ్యం.....................ఒక కప్పు
బెల్లం........................అర కప్పు
పచ్చికొబ్బరి..............పావు చిప్ప
గసగసాలు................రెండు చెంచాలు
యాలకులు...............3
నెయ్యి......................4 టేబల్‌స్పూన్స్

చేసే విధానం::

ఒక రోజు ముందు బియ్యం కడిగి నానబెట్టుకోవాలి.
బియ్యం జల్లెడలో పోసి నీళ్ళంతా వడకట్టి
గ్రైండర్లో పొడి చేసుకుని జల్లించి తడి ఆరిపోకుండా దగ్గరగా నొక్కి పెట్టుకోవాలి.

పిండి ఆరిపోకూడదు.తడిగుడ్డ గట్టిగా పిండి ఆ పిండిపై కప్పి ఉంచండి
అప్పుడు తడి ఆరిపోకుండగా ఉంటుంది.

కొబ్బరికాయ సన్నటి ముక్కలుగా తరిగి పెట్టుకోవాలి.
మూకుడు లో నెయ్యి వేడి చేసి కొబ్బరిముక్కలు ఎర్రగా వేయించి పక్కన ఉంచండి.
అందులోనే గసగసాలు కూడా వేయించి పక్కన ఉంచండి.
యాలకులు పొడి చేసి పెట్టుకోవాలి.
బెల్లం తురిమి,పావు కప్పు నీరు పోసి ఉడికించి, మరీ లేత కాకుండా మరీ ముదురు పాకం కాకుండా
చేసి యాలకుల పొడి, నెయ్యి కలిపి క్రిందకు దించి కొద్దికొద్దిగా బియ్యం పిండి వేస్తూ
గరిటతో ఉండలు లేకుండా కలుపుతూ చివరగా కొబ్బరిముక్క్లలు,గసగసాలు కూడా
కలిపి మూతపెట్టి ఉంచాలి. చలిమిడి రెడీ.....మరి మీరు తయారా ..మీకు నచ్చుంటే నాకో మెస్సేజి పెట్టండి :)

డబల్ కా మీటా


!!! కావలసినవి !!!

బ్రెడ్..................10 స్లైసులు
చక్కెర................150 gm
పాలు.................1/2 lit
యాలకుల పొడి......2tsp
కుంకుమపువ్వు చిటికెడు
బాదాం...............5
జీడిపప్పు............6
కిస్‍మిస్..............5
నెయ్యి బ్రెడ్ స్లైసులు వేయించడానికి

!!! చేసే విధానం !!!

ముందుగా బ్రెడ్ స్లైసులను నాలుగు ముక్కలుగా కోసి పెట్టుకోవాలి.

వాటిని నెయ్యిలో ఎర్రగా వేయించి ఉంచుకోండి
పాలు ,చక్కెర, కుంకుమపువ్వు కలిపిమరిగించి చిక్కగా అయ్యేవరకు ఉంచాలి.

బ్రెడ్ ముక్కలను ఒక పెద్ద పళ్ళెంలో పరిచి వాటిపై ఈ వేడి పాలు సమనంగా పోయాలి.
బ్రెడ్ ముక్కలు పాలన్నీ పీల్చుకుంటాయి.

పైన సన్నగా తరిగిన బాదాం, జీడిపపు, కిస్‍మిస్ చల్లాలి.

ఇది వేడిగా కాని చల్లగా కాని వడ్డించాలి.మరి మీరూ మొదలెట్టండి ....ఆ..హా..ఏమి..రుచీ...
~!~!~!~!~!~!~!~!~!~!~!~!~!~!~!~!~!~!~!~!~!~!~!~!~!~!~!~

Saturday, August 18, 2007

పానీ పూరీ ---paanee poorii

paanee pUrii
పూరి చేసే ఐటమ్స్ :::

మైద.............1 కప్పు
రవ..............1/4 కప్పు
కుక్కింగ్ సోడ....3 చిటికెలు
ఉద్దిపప్పు........2 టెబల్ స్పూన్స్
రుచికి తగినంత ఉప్పు.

పూరి చేసే విధానం !!

ఉద్దిపప్పు దోరగా వేయించి పౌడర్ చేసి వుంచండి .
రవ , మైదా , సోడా , ఉద్దిపొడి , ఉప్పు. అన్నీ చల్లటి నీళ్ళుపోసి గట్టిగా పూరీ పిండిలా కలిపి , తడి ఆరకుండగా తడి గుడ్డవేసి 2 గంటలసేపు నానపెట్టాలి .
తరువాత చిన్న చిన్న పూరీలుగా చేసి నూనెలో వేయించు పెట్టుకొండి .

పానీ చేసే విధానం !!!

చింతపండు రసంలో జిలకర వేయించి పౌడర్ చేసి పానీలో కలపండి .
దానితో పాటు పుదిన , కొతమిర , గ్రీన్ చిల్లీ , అన్నీకలిపి గ్రైండ్ చేసి పానీలో కలపంది .

ఫోటాటో కూర:
కావలసినవి !!!

పొటాటో 1/2 కిలో
సన్నగా తరిగిన 2 ఆనియన్స్
పచ్చ బటాని , కార్న్ , 2 పిడికిళ్ళు .

cheese 2 స్పూన్స్
గరం మసాల పౌడర్ 3స్పూన్స్

కొత్తమిర , ఉప్పు , పసుపు . తగినంత.

కూర చేసే విధానం !!!

పొటాటో కుక్కర్లో పెట్టి 2 విజిల్స్ వచ్చాక దింపి చల్లారిన తరువాత పొట్టుతీసి మెత్తగా చెసి వుంచుకోవాలి .

తరువాత పాన్ లో నూనె వేసి సన్నగా తరిగిన ఆనియన్స్ వేసి దోరగా వేయించి , అందులో గరం మసాల , ఉప్పు , పసుపు , రెడ్ చిల్లీ పౌడర్ 2 స్పూన్స్ , వేసి పచ్చిబటానీలు , కార్న్ అన్నీ అందులో వేసి బాగా వుడికించి కాస్త బట్టర్ వేసి సన్నటి సెగపై 5 నిముషా అలాగే వుంచి కోత్తమీర వేసి ష్టావ్ ఆఫ్ చేయండి.

పూరి గిన్నెలా hole చేసి అందులో పొటాటోకూర పెట్టి దానిపైపానీ వేసి , పచ్చి ఆనియన్,వేసి తింటే ........వావ్....యమ రుచి :)
మీకు కావాలంటే సన్నగా తరిగిన ఆనియన్స్ . కుకుంబర్ , కారెట్ , టోమాటో slices చేసి , plate లో decorate చేసి పూరితో పాటు ఇవీ తింటే మరీ మరీ రుచి .:)
మరి మీరు రెడినా ???