పుదిన పచ్చడి

!! కావలసిన పధార్థాలు !!

పుడిన 1 కట్ట

ఎండుకొబ్బెర కోరు కాని

పచ్చికొబ్బెర కోరు కాని 4 టేబల్‌స్పూన్

చింతపండు 50 గ్రా

చనగపప్పు 1 టేబల్‌స్పూన్

ఉద్దిపప్పు 11/2 టేబల్‌స్పూన్స్

మెంతులు 15 గింజలు

పచ్చిమిర్చి 6

నూనే 3 టేబల్‌స్పూన్స్

ఉప్పు రుచికి తగినంత

!! చేసే విధానం !!

ముందుగ పుదిన బాగా కడిగి వుంచుకోండి.

మూకుడులో కాస్త నునె వేసి,చనగపప్పు,ఉద్దిపప్పు,

మెంతులు దోరగా వేయించుకొని, ఎండుకొబ్బెర,చింతపండు,

పచ్చిమిర్చి విడి విడిగా వేయించుకొని,

ఉప్పు,పుదిన తక్కినవన్నీ వేసి అన్నీ బాగా గ్రైండ్ చేసి

పైన పోపు వేయండి. ఇది వేడి వేడి అన్నానికే గాక, దోసకి,

మైసూర్ బజ్జి,లాంటివన్నిటికీ చాలా బాగుంటుంది.

మరి మీరూ ట్రై చేస్తారా ? :)

బాగుంటే కింద మెస్సెజ్ రాసి మీ అభిప్రాయాలు తెలుపండి :)

కాకరకాయ కాష్మోరా -- (మసాలతో)

!! కావలసినవి !!

కాకరకాయలు 1/2 కిలో
నూనె 1/4 కిలో
ఆనియన్ 5
వెల్లుల్లిరేకులు 3
గసగసాలు 1టేబల్‌స్పూన్(Poppy Seeds)
ధనియాలు 1 టేబల్‌స్పూన్
చిన్న అల్లం ముక్క
ఉప్పు,పసుపు. తగినంత

!! చేయు పధతి !!

కాకరకాయలు గంట్లు పెట్టి ఓపాటి పసుపు,ఉప్పు,రాసి వుడకేయండి.
ఉడుకు పట్టగానే దింపి వార్చి పెట్టుకోండి.
అల్లం,వెల్లుల్లి,ధనియాలు,గసగసాలు, ఒక ముద్దగానూ
ఉల్లిపాయలు(ఆనియన్) వేరే ముద్దగానూ గ్రైండ్ చేయండి.
అల్లం ముద్దా,వుల్లిముద్దా కలిపేయండి.
(నచ్చితే 2 లవంగాలు చెక్కకూడ నూరి ఈ ముద్దలో కలుపులోవచ్చు)
కాకరకాయలు నీరులేకుండగ పిండేసి దాంట్లో మసాలకారం కూరండి.
నూనె కాచి మసాల నిండిన కాకరకాయల్ని నూనెలో దోరగా వేయించి,
వేడి వేడి అన్నంలోకి తింటే జిహ్వ్వానికి పేష్టులా అతుక్కొపోతుందని
ఎక్స్ పర్టుల సర్టిఫికేట్టు ...మరి మీరూ తయారేనా...?... :)

చిక్కుడు ఉల్లికారం

!! కావలసినవి !!
చిక్కుడు 1/4
ఆనియన్ 5
చిన్న అల్లం ముక్క
నూనె 50 గ్రాం
జీర 1/2 టీస్పూన్
ఉప్పు తగినంత
ధనియాలు 1/3 టేబల్‌స్పూన్
వెల్లుల్లిరేకులు 3
ఎండుకారం,పసుపు తగినంత

!! చేయు పద్ధతి !!

చిక్కుడు బాగా కడిగి మీకు కావలసిన రీతిలో కట్ చేసి వుంచవలెను
ఆనియన్,ధనియ,వెల్లుల్లి,ముద్దగా గ్రైండ్ చేసి వుంచండి.
నూనె కాచి కాస్త జీర వేసి,ఈ ఉల్లి,వెల్లుల్లి ముద్దని నూనెలో వేసి
కాస్త పచ్చివాసన పోయిన తరువాత చిక్కుడు,ఉప్పు,పసుపు,కారంపొడి వేసి
బాగా కలిపి బాగా వేయించి వుడికిన తరువాత
వేడి వేడి గా చపాతికి,వేడి వేడి అన్నానికి వేసుకొని తింటే యమ రుచి...మరి మీరూ రెడినా ?? :)

ఇలాగే అల్లంకారం కూడా చేసుకోవచ్చు
అల్లం,వెల్లుల్లిబదులు,అల్లం,తగుపాటి పచ్చిమిర్చి,ఆనియన్ నూరుకొంటే
అల్లం చిక్కుడు తయార్ :)

చిన్న ఆనియన్ పులుసు

!! కావలసినవి !!

చిన్న చిన్న ఆనియన్స్ 1Kg
పచ్చిమిర్చి తగినంత
కరేపాక్ 2రెబ్బలు కాస్త కోత్తమిర
నిమ్మసైజంత చింతపండు ( రసం)
ధనియ 1 స్పూన్
ఉప్పు , పసుపు , బెల్లం .
బియ్యం 1/2 స్పూన్
మెంతులు 6
నూనే తగినంత
తాలింపు గింజలు ఎండు మిర్చి.

చేసే విధానము !!

ముందుగ కడాయిలో కొద్దిగ నూనే వేసి
5 నిముషాలు ఆనియన్ న్ని దోరగా వేయించండి .
అందులోనే చిల్లి కరేపాక్ వేసి వేయించండి .
తరువాత ఉప్పు పసుపు బెల్లం.
చింతపండు పులుసు 2గ్లాసుల నీళ్ళు వేసి
బాగా వుడక నివ్వండి
పక్కన ధనియ మెంతులు బియ్యం
కాస్త వేయించి అవి గ్రైండ్ చేసి
ఆ పొడిని 1 గ్లాస్ నీళ్ళల్లో వుంటలు లేకుండగా కలిపి
ఈ పులుసులో వేయండి కాస్త కోత్తమిర వేసి మాంచిగా
ఎండు మిర్చితో తాలింపు పెడితే.....
దోసకి ఇడ్లీకి చాలా రుచిగా వుంటుంది :)

అరటికాయ చిప్స్

అరటికాయలు పీల్ చేసి చక్రాల్లా తరుగుకొని
ఉప్పు వేసి ఉడికించాలి.
తరువాత మాంచి ఎండలో బాగా ఎండనివ్వాలి.
బాగా ఎండాక నూనెలో వేపుకుని పైన కారం చల్లి తినాలి.
ఇవి నెలా రెండు నెలలు నిల్వ ఉంటాయి.
కూరలేవీ లేనప్పుడు ఇవే ఆధారం.
సాంబారులోకి ,రసంలోకి చాలా బావుంటాయి.

మిరపకాయ బజ్జీ

!! మిరపకాయ బజ్జీ !!

లావు మిరపకాయలు----250 gm
శనగపిండి------------- 250 gm
ఉప్పు తగినంత
కారం------------------ 1 tsp
గరం మసాలా----------- 1 tsp
ధనియాల పొడి---------- 2 tsp
వంట సోడా చిటికెడు
నూనె వేయించడానికి
పుదీనా---------------- 1/2 cup
నువ్వులు-------------- 1/4 cup
పచ్చిమిర్చి------------- ౩
చింతపండు పులుసు----- 2 tbsp

మిరపకాయలను నిలువుగా చీల్చి గింజలు తీసేయాలి.

మరిగే నీటిలో కొద్దిసేపు ఉంచి తేసేస్తే కారం తగ్గుతుంది.

నువ్వులు,పచ్చిమిర్చి, పుదీనా కాస్త వేయించి

చింతపండు పులుసు కలిపి మెత్తగ నూరి పెట్టుకుని

మిరపకాయలలో కూరి పక్కన పెట్టుకోవాలి.

శనగపిండిలో తగినంత ఉప్పు,కారం, గరమ్ మసాలా,

ధనియాలపొడి, వంట సోడా వేసి నీళ్ళు కలుపుతూ

గరిటజారుగా ఉండలు లేకుండా కలిపి అర గంట అలా ఉంచాలి.

మళ్ళీ కలిపి కూరి పెట్టుకున్న మిరపకాయలను
ఒక్కొక్కటిగా వేడి నూనెలో ఎర్రగా కాల్చి వేడి వేడిగా

టొమాటో సాస్ కాని ఆవకాయతో కాని తింటే
సూపర్‍గా ఉంటుంది.

కావాలాంటే మిరపకాయలలో కస్త వాము,చింతపండు

పులుసు,ఉప్పు,కొబ్బరిపొడి కలిపి రుబ్బి
మిరపకాయలలో కూరొచ్చు.. బంగాళదుంప కూర చేసి

అది కూడా మిరపకాయలలో కూరి
బజ్జీలు చేసుకోవచ్చు. అప్పుడు మిరపకాయలు చాలా లావుగా వస్తాయి

ఫ్రెంచ్ ఫ్రైస్---French fries

బంగాళదుంపలు 5
నూనె వేయించడానికి్ తగినంత

ఎండు కారం ---- 1---- టేబల్ స్పూన్
ఉప్పు రుచికి తగినంత

బంగాళదుంపలను నిలువుగా సన్నని ముక్కలుగా కోసి చల్లటి నీటిలో
గంట సేపు నానబెట్టాలి. తర్వాత తీసి నీరంతా ఓడ్చి, తడి ఆరేవరకు
ఉంచి వేడి నూనెలో ఎర్రగా వేయించుకోవాలి.
వేయించిన ప్రేంచ్ ఫ్రై పై ఉప్పు,కారం వేసి,
బాగా క్రిందా మీద కలిసేటట్లుగా కలిపి ఆరగించడమే :)

వేరుశనగ చిక్కి

కావలసినవి ::

వేయించిన వేరుశనగ పప్పు 1 కిలో
బెల్లం 1/3 కిలో
నెయ్యి 6 స్పూన్స్

చేసే విధానం::

వేరుశనగపప్పు బద్దలుగావుంటే
పరవాలేదు కాని
గింజలుగానే వుండిపోతే వాటిని
రెండుగా విడగొట్టుకోవాలు .

వేరుశనగపప్పుని మీరు
ఇంటిలో వేయించ్ఘుకొంటే మరీ మంచిది
బెల్లం సన్నగా తురుముకొని
గిన్నెలో వేసి నీళ్ళు పోయాలి
ఈ గిన్నెను పొయ్యిమీదపెట్టి
ముదురు గోధుమ రంగు పాకం
వచ్చేవరకు కాచాలి.
పాకం వచ్చిందనగానే
ఈ పాకంలో వేరుశనగ పప్పు వేసి
అన్నివైపులా సమానంగా వుండెలా కలపాలి.తర్వాతపొయ్యినుండి
కిందికి దించాలి.
ఒక పళ్ళెంలో నెయ్యిరాసి అందులో ఈ వేరుశనగపప్పు పాకం పోసి
వేడిగా వున్నప్పుడే పళ్ళెమ్నిండా పరిచి
మీకు అవసరమైన సైజులో కట్ చేసుకొండి. వేరుశనగపప్పుచెక్క (బర్ఫీ) తయార్ :)

క్యారెట్ బర్ఫీ

కావలసినవి !!

క్యారెట్..... 1/2 కేజి
పాలు...... 1/2 లీటర్
చక్కర.... 300గ్రా
నెయ్యి50గ్రా
జీడిపప్పు 20గ్రా

తయారు చేసే విధానం !!

క్యారెట్`ను సన్నగా తురమండి .

మూకుడులో క్యారెట్ మరియు పాలు కలిపి ఉడికించండి.

పాలు ఇగిరిపోయాక నెయ్యి వేసి కాసేపు ప్రై చేయండి.
తరువాత పంచదారపోసి
మరి కొద్దిసేపు వుడికించండి .

ఇలా వుడికించినప్పుడు
పాకం వస్తుంది ఈ పాకం
చిక్కపడిన తరువాత
కోవాను పొడిగా చేసి చల్లండి

ఇంకా దగ్గరకు వచ్చి ముద్దలా అయిన తరువాత దించంది

ఓ ప్లేట్ కి నెయ్యి పూసి అందిలో
ఈ క్యారెట్ ముద్దను వేయండి
వీటి మీద జీడిపప్పులు జల్లి
ముక్కలుగా కోయండి .

నోరూరించే ఈ క్యారెట్ బర్ఫీ రెడీ...

మీరు తయారేనా ఈ వంటకం నచ్చితే నాకో మెస్సెజ్ పెట్టండి

వెజి కట్టెపొంగల్

!! కావలసినవి !!

తురిమిన కరెట్ 1
1/4కప్ గ్రీంపీస్
1/4 కప్ కార్న్
జీడిపప్పు 100 గ్రా
బియ్యం 1కప్
పెసరపప్పు 1/2కప్
నెయ్యి 3 టేబల్ స్పూన్స్
ఉప్పు తగినంత
అల్లం చిన్నముక్క తురిమినది
పచ్చిమిర్చి 3
జిలకర 1/2 స్పూన్
మిరియాల్ల పొడి 1/2 తేబల్ స్పూన్

చేసే విధానం !!

ముందు బియ్యం , పెసరపప్పు
వుడికించి పెట్టుకోండి .
తరువాత ఒక పాన్ లో నెయ్యివేసి అందులో
జిలకర వేసి వేగిన తరువాత
తురిమిన కారెట్ , బటానీ , కార్న్ , వేసి
అందులోనే తరిగిన పచ్చిమిర్చి
అల్లం ,ఉప్పు కోత్తమిర వేసి
అవన్ని వుడికిన తరువాత
అందులో ఈ వుడికిన రైస్ వేసి
బాగా కలియబెట్టి అందులో
మిరియాల పొడి వేసి
వేయించిన జీడిపప్పులు వేసి
పైన బాగా నెయ్యివేసి దించడమే
వేడి వేడి గా ఈ సంక్రాతి పోంగలి ని
దేవుడికి నైవేద్యం పెట్టి మనమూ ఆరగించడమే :)