దొండకాయ కూర

!! కావలసినవి !!

దొండకాయలు ---- 1/2 కిలో

పచ్చిమిర్చి ---- 4

నూనే ---- 2 గరిటెలు

పుట్నాల పోడి ---- 3 టేబల్ స్పూన్స్

ఎండు కొబ్బర ---- 2 టేబల్ స్పూన్స్

పసుపు , ఉప్పు . ---- రుచికి తగినంత

పోపు గింజలు :- ఆవాలు , మినపప్పు , చనగపప్పు ,

ఈ మూడు half half స్పూన్స్ వేయాలి.

జిలకర్ర , ఇంగువ , కరేపాకు , కొత్తిమిర .

!! చేసే విధానం !!

ముందు దొండకాయల్ని నీళ్ళతో బాగా కడిగి

మీకు కావలసిన రీతిలో కట్ చేసి వుంచండి.



ష్టవ్ పై మూకుడు పెట్టి అందులో నూనే వేసి నూనే కాగాక

పోపుగింజలన్నీ వేసి ఆవాలు చిట్లిన తరువాత పచ్చిమిర్చి , కరేపాకు

వేసి అందులోనే తరిగిన దొండకాయల్ని వేసి ఉప్పు పసుపుకుద వేసి

మూతపెట్టి 15 నిముషాలు వేగనివ్వాలి.

వేగిన కూరలో కొబ్బర , పుట్నాల పొడి , కొత్తిమిర చల్లి బాగా కలిపి

దించేయడమే... వేడి అన్నానికీ చాలా బావుంటుంది

నీరజ గారు ఈ కూరలో మీకు పుట్నాల పొడి వద్దంటే

వేసుకో నక్కరలేదు.

కావలసిన వారు ఇందులో ఆనియన్ వేసి మరో వెరైటీగా చేసుకోవచ్చు.

దోస ఆవకాయ

!! కావలసినవి !!

దోసకాయ ---- 1/2 కిలో

ఆవాలు పొడి ---- 4 టేబల్ స్పూన్స్

ఎండు మిర్చి కారం ---- 3 టేబల్ స్పూన్స్

ఉప్పు ---- తగినంత

నూనె ---- 100 గ్రా

పోపు గింజలు:- ఆవాలు , మినపప్పు , జిలకర్ర, ఇంగువ , డ్రైచిల్లీ

!! చేసే విధానం !!

దోసకాయల్ని చిన్న ముక్కలుగా కట్ చేసి దానిలో ఆవాల పొడి ,

ఉప్పు , కారం పొడి , నూనె , వేసి బాగా కలపండి.

చివర్ల్లో ఆవాలు , మినపప్పు , జిలకర్ర , ఇంగువ , డ్రైచిల్లీ , తో పోపు వేసి కలపండి

ఓ గంట ఆగి వేడి వేడి అన్నంలోకి నెయ్యి వేసుకొని తింటే ఆహా..ఏమి..రుచి .

టోమాటో పప్పు

!! కావలసినవి !!

కందిపప్పు ------ 2 కప్పులు

మెంతులు ------ 1/2 స్పూన్

టోమాటో ------ 8

చింతపండు జ్యూస్ ------ 1 టేబల్ స్పూన్స్

పచ్చిమిర్చి ------ 6

పోపుగింజలు :- ఆవాలు , మినపప్పు , చనగపప్పు ,

జిలకర్ర , ఎండుకారం 1/2 టేబల్ స్పూన్ , ఇంగువ , ఎండుమిర్చి 2 ,

కరేపాకు , కొత్తిమిర .

!! చేసే విధానం !!

ముందు కందిపప్పులో మెంతులువేసి వుడికించి పెట్టండి.

( పప్పులో మెంతులువేసి వుడికించినచో గుండెజబ్బులులకు

సంబంధించిన వ్యాధులన్నీ తగ్గిపోతాయని పెద్దలు చెప్పారు)

ఉడుకిన పప్పులో టోమాటో , పచ్చిమిర్చి , ఉప్పు , పసుపు , కరేపాకు,

చింతపండు గుజ్జు వేసి బాగా వుడక నివ్వండి.

కళాయిలో నూనే వేసి పోపుగింజలు , కారంపొడి , ఇంగువ , వేసి కొత్తిమిర

చల్లి దించేయడమే .

వేడి అన్నానికి నెయ్యివేసి తింటే మాంచి రుచి.

చపాతికీ , నాన్ కీ , అన్నీటికీ బాగుంటుంది.

బిసి ఉప్పినేకాయి (కన్నడ వాళ్ళ ఐటం) Instant Pickles

Instant Pickles
"వేడి ఊరగాయ" అని తెలుగులో అంటారు.

ఈ పచ్చడి(ఊరగాయ)అన్నానికీ,చపాతికీ

చాలా రుచిగావుంటుంది.మీరు ఒకసారి ట్రై చేస్తారా?

!! కావలసినవి !!

టోమాటోలు ---- 4

ఆవాలు ---- 1 టేబల్ స్పూన్

మెంతులు ---- 1/4 టీ స్పూన్

ఎండి మిర్చి ---- 6

ఎండుకారం ---- 1/3 టేబల్ స్పూన్

పోపు గింజలు:- ఆవాలు,ఎండుమిర్చి,కరేపాకు,ఇంగువ.

నూనే పెద్ద గరిటెడు

ఉప్పు,పసుపు తగినంత.

!! చేసే విధానం !!

ముందు మెంతులు,ఆవాలు,ఎండుమిర్చి. విడివిడిగా వేయించుకోవాలి.

వేయించిన వాటిని మెత్తగా గ్రైండ్ చేసి వుంచుకొండి.

బాణలి లో సగం గరిటెడు నూనె పోసి అందులో

ముక్కలు చేసి వుంచుకొన్న టోమాటోలు ఉప్పు,పసుపు,ఎండుకారం,వేసి

అటు ఇటు కలిపి మూతపెట్టి సన్నటి సెగపై మెత్తగా వుడికించండి.

బాగా వుడికిన టోమాటో లో ఈ గ్రైండ్ చేసిఉంచిన పొడి వేసి

బాగా కలిపి ష్టవ్ పైనుండి దించేయండి.

చిన్న కడాయిలో మిగిలిన నూనే వేసి పోపుగింజలతో పాటు

కరేపాకు,ఇంగువతో పోపుపెట్టేయడమే....తినగా తినగా..

ఆహా..ఏమి రుచి....మీరూ చేసి చూడండి .రాయలసీమవారికి

బహుప్రీతికరమైన వంటకం:)

గోరు చిక్కుడుకాయల కూర

!! కావలసినవి !!

చిక్కుడు కాయలు --- 1/2 కిలో

ఎండు మిర్చి --- 4

వెల్లుల్లి --- 3

జిలకర్ర --- 1/2 టీ స్పూన్

చింతపండు గుజ్జు --- 2 టేబల్ స్పొన్న్స్

పచ్చికొబ్బరకోరు --- 3 టేబల్ స్పూన్స్

(ఎండు కొబ్బరైనా ఒకే)

పుట్నాలు (Roasted Chana Dal) 3 టేబల్ స్పూన్స్

పోపు గింజలు:- ఆవాలు,మినపప్పు,చనగపప్పు,జిలకర్ర,

పచ్చిమిర్చి 2 ,కరేపాకు 2 రెబ్బలు, నూనె 2 గరిటెలు.

ఉప్పు, రుచికి తగిననత

కొత్తిమిర ఒక కట్ట

!! చేసే విధానం !!

గోరుచిక్కుడుకాయలు బాగా కడిగి,తరిగి వుంచుకొండి.

ఎండుమిర్చి,వెల్లుల్లి,కొబ్బర,జిలకర్ర,పప్పులు,చింతపండు.అన్నీ గ్రైండ్ చేసి వుంచండి.

ష్టవ్ పై మూకుడు వుంచి ఒక గరిటెడు నూనె పోసి వేడి చేసిన తరువాత

అందులో పోపుగింజలు వేసి ఆవాలు చిటపట అన్న తరువాత గోరుచిక్కుడు,

పసుపు,ఉప్పు, వేసి బాగాకలిపి మూతమూసివుంచండి.

10 నిముషాల తరువాత ఈ గ్రైండ్ చేసిన పేష్ట్ వేసి మళ్ళి బాగా కలిపి

10 నిముషాలు మాడకుండగ వుండకనివ్వండి. అప్పుడప్పుడు మూత తీసి కలియబెట్టాలి.

బాగా మెత్తగా వుడికిన తరువాత కొత్తిమిర చల్లి దించేయడమే...

చపాతికి,వేడి అన్నానికి,పుల్కాలు, వీటన్నిటికి భలే రుచిగా వుంటుంది.

గుమ్మడికాయ పులుసు

!! కావలసినవి !!

చిన్న గుమ్మడికాయలో సగం ముక్క

ఆనియన్స్ --- 3

పచ్చిమిర్చి --- 3

ధనియాలు --- 1 1/2 టేబల్ స్పూన్స్

మెంతులు --- 1/2 టీ స్పూన్

చింతపండు --- పెద్ద నిమ్మకాయంత

ఎండుమిర్చి --- 4

నూనె --- 2 టేబల్ స్పూన్స్

ఉప్పు,పసుపు --- రుచికి తగినంత

బెల్లం --- చిన్న నిమ్మసైజంత

పోపుగింజలు --- ఆవాలు,జిలకర్ర,ఎండుమిర్చి.

ఎండుకొబ్బెర --- 1 టేబల్ స్పూన్

బియ్యం పిండి --- 2 టేబల్ స్పూన్స్

కరేపాకు --- 2 రెబ్బలు

కొత్తిమిర --- 1/2 కట్ట

కారం --- 1/2 టేబల్ స్పూన్

!! చేసే విధానం !!

ష్టవ్ పై దట్టమైన కడాయివుంచి అందులో ఒక స్పూన్ నూనె వేసి

పచ్చిమిర్చి,కరేపాకు,ఆనియన్ వేసి వేయించి అందులో

పొట్టు తీసిన గుమ్మడికాయ ముక్కలు వేసి, 2 గ్లాసుల నీళ్ళుపోసి ఉడకబెట్టాలి.

ఎండుమిర్చి,ధనియాలు,మెంతులు,ఎండుకొబ్బర,అన్నీ దోరగా వేయించి గ్రైండ్ చేసి

పులుసులో వేయాలి.పసుపు,బెల్లం,ఉప్పు,కారం కొత్తిమిర వేసి,చింతపండు గొజ్జుతీసి

పులుసులో వేసి బియ్యంపిండిని సగం గ్లాసు నీళ్ళల్లో కలిపి పులుసులో వేసి

(చిక్కగావుంటే ఒక గ్లాసు నీళ్ళుపోసి ) బాగా వుడకనివ్వాలి.

ఆవాలు,జిలకర్ర,ఎండుమిర్చి తో పోపు పెట్టి

వేడి అన్నానికి నెయ్యివేసుకొని తింటే..ఆహా...ఏమి రుచి...

చిగురాకు పొడి (పౌడర్)

!! కావలసినవి !!

ఎండు చిగురాకు --- 3 -- గ్లాసులు

నువ్వులు --- 1/2 -- గ్లాస్

జిలకర్ర --- 1/2 --- టేబల్ స్పూన్

ఎండు కొబ్బెర --- 1/4 -- గ్లాస్

ఉద్దిపప్పు --- 1/4 క్లాస్

బెల్లము --- చిన్న నిమ్మపండంత

ఎండు మిర్చి --- 1/2 -- గ్లాస్

నూనె --- 1 -- చిన్న గరిటె

ఉప్పు,ఇంగువ .

!! చేసే విధానం !!

అన్నీ విడివిడిగా వేయించుకొని ఉప్పు,ఇంగువ, బెల్లం తో కలిపి అన్నీ

మెత్తగా గ్రైండ్ చేసుకోవాలి.

దోస,ఇడ్లి,చపాతి,వేడి అన్నానికి చాలా చాలా రుచిగా వుంటుంది.

మెంత పొడి

!! కావలసినవి !!

చనగపప్పు --- 1 -- గ్లాసు

మినపప్పు --- 1 -- గ్లాసు

కందిపప్పు --- 1/2 -- గ్లాసు

పెసరపప్పు --- 1/2 -- గ్లాసు

మినుములు --- 1/4 -- గ్లాసు

గోధుమలు --- 1 -- పిడికెడు

బియ్యం --- 1 -- పిడికెడు

జిలకర్ర --- 1 -- టేబల్ స్పూన్

ఎండుసొంటి --- 1 -- కొద్దిగా

మెంతులు --- 1/2 -- స్పూన్

ఎండు కరేపాకు - 1 -- కప్పు

ఎండు పసుపు కొమ్మ చిన్నది

ఉప్పు,ఇంగువ .

!! చేసే విధానం !!

కందిపప్పు,చనగపప్పు,మినపప్పు,పెసరపప్పు,మినుములు,

గోధుమలు,బియ్యం,పసుపు,సొంటి,మెంతులు,జిలకర్ర,కరేపాకు.

అన్నీ విడివిడిగా వేయించుకొని ఉప్పు,ఇంగువతో కలిపి అన్నీ

మెత్తగా గ్రైండ్ చేసుకోవాలి.

ఇది వేడి వేడి అన్నానికి నూనె కాని, నెయ్యి కాని, వేసుకొని తింటే

చాలా రుచిగా వుంటుంది.పిల్లలకి మాంచి పోషక ఆహారం.

కందిపొడి

!! కావలసినవి !!

కందిపొప్పు --- 2 -- కప్పులు

పెసరపప్పు --- 1 -- కప్పు

మినపప్పు --- 1 1/2 కప్పు

చనగపప్పు --- 3/4 -- కప్పు

జిలకర్ర --- 1/3 -- స్పూన్

ఎండుమిర్చి --- 1 -- కప్పు

ఉప్పు,ఇంగువ,కొద్దిగ నూనె.

!! చేసే విధానం !!

కొద్దిగా నూనె వేసి అన్నీ విడివిడిగా దోరగా వేయించుకొని

అన్నీ కలిపి గ్రైండ్ చేసుకోవడమే...వేడి వేడి అన్నానికి

నెయ్యివేసుకొని తింటే...ఆహా..ఏమిరుచి....

వేరుశనగల పొడి -- (Groundnuts powder)

!! కావలసినవి !!

వేరుశనగలు --- 2 --కప్పులు

ధనియాలు --- 2 --టేబల్ స్పూన్స్

జిలకర్ర --- 1 -- టేబల్ స్పూన్

ఎండుమిర్చి --- 1/2 -- కప్పు

ఎండుకొబ్బెరకోరు --- 1/2 కప్పు

చిన్న నిమ్మకాయంత --- చింతపందు
(మీకు కావాలంటే వేసుకోవచ్చు)

ఇంగువ --- 1/2 --- టీ స్పూన్

ఉప్పు రుచికి తగినంత

నూనె వేయించుకొనెందుకు తగినంత

గోలికాయంత --- బెల్లం

!! చేసే విధానం !!

దట్టమైన మూకుడులో కొద్దిగ నునె వేసి వేరుశనగలు,ఎండుమిర్చి,

జిలకర్ర,చింతపండు,ఎండు కొబ్బెర. అన్నీ విడి విడి గా దోరగా

వేయించుకొని ఉప్పు, బెల్లం,ఇంగువ వేసి దోరగా వేయించినవాటితో

కలిపి అన్నీ గ్రైండ్ చేసుకొవాలి.(కావలసిన వారు పోపుకూడవేసుకోవచ్చు)

పోపుగింజలు:-ఆవాలు,ఎండుమిర్చి,కరేపాకు,తో పోపు వేయాలి)

చట్నీపొడి

!! కావలసినవి !!

చనగపప్పు -- 2 కప్పులు

మినపప్పు -- 2 కప్పులు

ఎండుకొబ్బెర తురుము -- 1/2 కప్పు

ఎండుమిర్చి -- 55 గ్రా

పోపుగింజలు..ఆవాలు -- 1 టేబల్ స్పూన్

మినపప్పు, -- 2 టేబల్ స్పూన్స్

చిన్నగా తుంచిన ఎండుమిర్చి -- 20

నునె -- 3 గరిటెలు

పెద్ద నిమ్మపండు సైజు చింతపండు

ఉప్పు -- రుచికి తగినంత

కరేపాకు --- 2 రెబ్బలు

బెల్లం -- నిమ్మపండుసైజు

ఇంగువ --- 1/2 టేబల్ స్పూన్

!! చేసే విధానం !!

చనగపప్పు,మినపప్పు దోరగా విడివిడిగా వేయించుకొని

కొబ్బెరపొడి,చింతపండు,బెల్లం,ఉప్పు,ఇంగువ వేసి గ్రైండ్ చేసుకోవాలి.

తరువాత ముకుడులో నూనెవేసి ఆవాలు,మినపప్పు,తుంచిన ఎండుమిర్చి,

కరేపాకు,ఇంగువ. వేసి ఆవాలు చిట్లిన తరువాత ఆ పొడిలో వేసి

బాగా కలపాలి. ఇది ఇడ్లి,దోస,చపాతి,వేడి అన్నానికి

చాలా కమ్మగా రుచిగా వుంటుంది.

ఆహా ఏమి రుచి....

కరేపాకు పొడి

!! కావలసినవి !!

ఎండు కరేపాకు -- 1/2 కిలో

చనగపప్పు -- 2 పిడికిళ్ళు

మినపప్పు -- 2 పిడికిళ్ళు

ఎండుకొబ్బెర తురుము -- 1/2 కప్పు

ఎండుమిర్చి -- 30 గ్రా

నిమ్మపండు సైజు చింతపండు

ఉప్పు -- రుచికి తగినంత

బెల్లం -- నిమ్మపండుసైజు

!! చేసే విధానం !!

అన్నీ దోరగా విడివిడిగా వేయించుకొని గ్రైండ్ చేయడమే

మాంచి రుచితో కమ్మాగా వుంటుంది

వేడి వేడి అన్నానికి నెయ్యివేసుకొని ఈ పొడితో తింటే

చాలా బాగా వుంటుంది...

మలబధకముతో బాధపడేవారికీ,

శరీరములో ఐరన్ తక్కువైన వారికీ,

ఆకలికాకుండగా వున్నవారికీ

ఈ కరేపాకు పొడి ఎంతో మేలుచేస్తుంది.

బియ్యంపిండి చెగోడీలు

!! కావలసినవి !!

బియ్యంపిండి -- 3 (పెద్ద) గ్లాసులు

పెసరపప్పు -- 1/2 కప్పు

ఉప్పు -- రుచికి తగినంత

వాము -- 1 టీ స్పూన్

ఎండు కారం -- 2 టేబల్ స్పూన్స్

నూనె -- వేయించెందుకు తగినంత

ఎందు కొబ్బెరకోరు -- 1 కప్పు

!! చేసే విధానం !!

ష్టవ్ పై దట్టమైన గిన్నె వుంచి అందులో

బియ్యంపిండికి సమపాళ్ళల్లో నీళ్ళుపోసి

బాగా బుడగలు బుడగలుగా తెర్లిన నీళ్ళల్లో

బియ్యంపిండి,పెసరపప్పు,ఉప్పు,వాము,కొబ్బెరకోరు.

వేసి బాగా పిండిని కలయబెట్టి ఉంటలు

రాకుండగా చూసి దించేయాలి.

బాగా చల్లారిన తర్వాత బియ్యంపిండిని

పొడవుగా కడ్డీలుగా చేసి రౌండుగా చుట్టాలి.

మీకు ఎన్ని చుట్లు చుట్టాలనిపిస్తే అన్ని

చుట్టోచ్చు.కొందరు సున్నామాదిరిగా చుట్టి

అతికిస్తారు. మీకు ఏవిధంగ కావాలో చేసుకొని

వాటిని నూనె లో ఎర్రగా వేయించాలి .

కావలసిన వారు 2 పిడికిళ్ళు వేరుశనగలు

పిండి చేసి వేస్తే మరీ రుచి ఎక్కువ మరి మీరు

తయారేనా???