~*~ మీకు తెలుసా??? ~*~

మిగిలిపోయిన బ్రెడ్ పారేయకండి

మిగిలిపోయిన బ్రెడ్ పారేయక దాన్ని దోరగా వేయించి

దానిపై వెన్నరాసి చాట్ మసాల వేసుకొని తింటే

చాలా బాగుంటుంది.

~*~ మీకు తెలుసా??? ~*~

పెరుగు పులిసిపోతే???

పెరుగు బాగా పులిసిపోయినట్లయితే...అందులో కొంచెం నీరు ఎక్కువగా పోసి,చిలికి,

కాస్త మినపప్పు వెయించి పొడిచేసి మజ్జిగలో కలిపి

పచ్చిమిర్చి1,ఎండుమిర్చి 1,కరేపాకు,కొత్తమిరతో పోపుపెట్టండి.

చక్కటి రుచికరమైన మజ్జిగచారు రెడి :)

మినప పొట్టుతో వడియాలు--(Urad Pappad)

!! కావలసినవి !!

మినపప్పు -- 1 కప్పు

మినప పొట్టు -- 3 కప్పులు

జీర -- 1/2 టేబల్‌స్పూన్

ఇంగువ -- 1/4 టీ స్పూన్

పచ్చిమిర్చి -- 12
ఉప్పు తగినంత


!! తయారుచేసే విధానము !!

ముందుగా మినపప్పుని మెత్తగా రుబ్బాలి.

తరవాత మినప పొట్టు,ఉప్పు,పచ్చిమిర్చి,జిలకర్ర,ఇంగువ వేసి కొద్దిగా నీళ్లు పోసి (బరకగా)రుబ్బాలి.

మినప వడియాల మాదిరిగానే ప్లాస్టిక్ కవర్‌మీద సరిపడా సైజులో పెట్టుకోవాలి.

నూనెలో వేయించి తీస్తే మాంచి వాసనతో ఘుమఘుమలాడుతూ వుంటాయి.

కరకరలాడే వీటిని వేడి వేడి అన్నంలో నేతిలో కలుపుకుని తింటే చాలా బాగుంటాయి.

మరి మీరూ చేసి రుచి చూస్తారా ? ....ఈ ఐటం విజయవాడ..వైజాగ్ వారికి ఇష్టమైన వంటకం :)

~*~ స్పెషల్ వడ ~*~

!! కావలసినవి !!

కందిపప్పు (Bengal gram dal) -- 1/2 కప్

మినపప్పు (Tuar dal) -- 1/2 కప్

జీర -- 1/2 టేబల్‌స్పూన్

డ్రైచిల్లీ -- 6

ఉల్లిపాయలు -- (onions) -- 1/2 కప్

కరేపాక్ 20 ఆకులు

ఉప్పు రుచికి తగినంత

నూనే -- (Oil) -- వేయించేందుకు తగినంత

!! చేసే విధానము !!

ముందు కందిపప్పు,మినపప్పు, రెండు నీళ్ళ ల్లో 6 గంటలు నానబెట్టాలి.

తరువాత నానిన వాటిలో ఎండు మెరపకాయలు,జిలకర్ర,ఉప్పు,

వేసి బరకగా రుబ్బుకోవాలి. (గ్రైండ్ )చేసుకోవాలి.

రుబ్బిన పిండిలో ఉల్లిపాయలు,కరేపాకు సన్నగా తరిగి

అందులో కలిపి రౌడుగా చేతిమీద కాని,ప్లాష్టిక్ షీట్ పై కాని

వడమాదిరిగా తట్టి,నూనేలో deep fry చేయాలి.

వేడి వేడి వడలపై కొబ్బర చెట్ని కాని,టోమాటో సాస్ తో కాని

తింటే చాలా కమ్మగా ఘుమ ఘుమ గా వుంటాయి.

మరి మీకు నచ్చితే chat చేసినా,లేక మెస్సేజి ఇచ్చినా

సంతోషమే....మరి మీ జవాబుకై...ఎదురు చూస్తూ....

మీ కోసం...మీ...శక్తి :)

కొబ్బరి మామిడి పలావు

30 నిముషాలలో తయారయ్యే ఈ పలావు
పార్టీలకు స్పెషల్‌గా వడ్డించవచ్చు.

!! కావలసినవి !!

బాస్మతి రైస్ -- 1 కిలో

పచ్చి మామిడి ముక్కలు --200 గ్రా

కొబ్బెరి పాలు -- 200 ఎం ఎల్

ఉల్లిపాయలు -- 2

దాల్చిన చెక్క -- 5

యాలకులు -- 5 గ్రా

మిరియాలు -- 5 గ్రా

పసుపు -- చిటికెడు

జిలకర్ర -- 10 గ్రా

అల్లం,వెల్లుల్లి, పేష్ట్ -- 1 టీ స్పూన్

ఆయిల్ లేదా నెయ్యీ -- తగినంత

!! తయారు చేసే విధానం !!

బాస్మతి బియ్యాన్ని అరగంటసేపు నానబెట్టాలి.

ఒక పాత్రలో నెయ్యివేసి,చెక్క,యాలకులు,జిలకర్ర,మిరియాలు వేసి,

వేయించిన తరువాత ఉల్లిపాయ ముక్కలు,వేయించుకోవాలి.

అల్లం వెల్లుల్లి పేష్ట్ కూడ కలిపి వేయించి,

నానబెట్టిన బియ్యం కలిపి గట్టిగా మూతపెట్టి,

సన్నటి సెగమీద ఉడక నివ్వాలి. 20 నిముషాలపాటు ఉడకనీయండి.

మూత తీయకూడదు సుమా. ఆ తరువాత గరిటతో జాగ్రత్తగా కలిపి

అందులో కొబ్బెరపాలు,పసుపు,మామిడి ముక్కలు వేసి కలిపి

ఒక 6 నిముషాలు ష్టవ్ పై అలాగే వుంచి తర్వాత తీయండి.

ఘుమ ఘుమ లాడే కొబ్బరి మామిడి పలావ్ తయార్ :)

Bread Variety

సడన్ గా మీ ఇంటికెవరైన వస్తే ??

ఎండిపోయిన బ్రెడ్ ముక్కల్ని పారేయక కాస్త వేడినీటిలో వేసి
ఒక రెండు నిముషాలు వుంచండి.బ్రెడ్ ముక్కలు మెత్త పడ్డక
అందులో కొద్దిగ బియ్యంపిండికాని,మైదా పిండికాని వుంటే
కలిపి,ఆ కలిపిన పిండి లో పచ్చిమిర్చి,ఆనియన్,కరేపాక్,వేసి
అన్నీ బాగా మిక్స్ చేసి బజ్జీలమాదిరిగా వేసుకోవచ్చు

కరకరలాడుతూ భలే రుచిగా వుంటుంది.

వచ్చిన వారికి coffee తో పాటు మాంచి స్నాక్స్ ఇచ్చినట్లు వుంటుంది

Moong Dal Chaat

సడన్ గా మీ ఇంటికి ఎవరైన వచ్చారనుకొండి?
ఏదో ఒకటి పెట్టి పంపకుండగా మనం వుండలేము
కాని ఏమి చేయాలన్నదే పెద్ద సమస్య :(
అలాంటప్పుడు ఈ చిట్కాలని వాడుకోండి.

1)మీ ఇంటిలో హల్దీరాం వారి మూంగ్‌దాల్ పాకెట్ ష్టక్ వుంచుకోండి.

2)మూంగ్‌దాల్ ల్లో సన్నగా తరిగిన ఆనియన్,పచ్చిమిర్చి,
కరేపాక్,కొత్తమిర,వేసి అన్నీ బాగా కలిపి coffee తో పాటు
ఈ మూంగ్‌దాల్ ఇస్తే....ఆహా ఏమిరుచి అనుకొంటూ సంతోషంగా ఆరగిస్తారు
మన పని కూడ ఈజిగా అవుతుంది.ఏమీ ఇవ్వలేదే అనే బాధనుండి మనం బైటపడతాం:)

~*~ మీకు తెలుసా ?~*~

1)పూరీ పిండి కలిపేటప్పుడు కొంచం చక్కర కలిపితే

చాలా సేపటివరకు పూరీలు తాజాగా వుంటాయి.


2)పూరీ పిండి కలిపేటప్పుడు అందులో గోరువెచ్చని నీటిలో 1/2 స్పూన్ ఈష్ట్,

అరకప్పు చల్లటి పాలు, వేసి కలిపి గంటన్నరసేపు నానబెట్టి

పూరీలు చేయండి..మరునాటి వరకు పూరీలు కరకరలాడుతూ వుంటాయి.

~~ మీకు తెలుసా? ~~

మిగిలిపోయిన అన్నంలో ఎర్రకారం,జిలకర్ర,కొంచం ఉప్పు,ఇంగువ,కలిపి

మెత్తగా రుబ్బి వడియాలుగానో,చిప్స్ గానో,పెట్టుకొని ఎండాక

వేయించుకొని తింటే భలే రుచి.

తోటకూర పులుసు

::కావలిసిన పదార్థాలు::

తోటకూర కట్టలు 2

ఆనియన్ 2

టమోటాలు 2

చింతపండు గుజ్జు 2 స్పూన్స్

కారం-- ఉప్పు--తగినంత..చిటికెడు పసుపు

పచ్చిమిర్చి 3

తిరగమోత గింజలు
(ఆవాలు..జిలకర్ర..ఎండుమిర్చి..అన్నీ ఒక స్పూన్)

::తయారుచేసే విధానం::

ముందు తోటకూరను శుభ్రంగా కడగాలి.ఆ తర్వాత సన్నాగా తరిగి ముక్కలుగా చేసుకుని ఉంచుకోవాలి.

అలాగే పచ్చిమిర్చి,ఉల్లిపాయలు,టమోటాలను కూడా తరిగి సిద్ధంగా ఉంచుకోవాలి.

మూకుడులో తిరగమోత వేసి ముందుగా ఉల్లిపాయ,టమోటా,పచ్చిమిర్చి,

వేసుకుని బాగా వేగిన తర్వాత తరిగిన తోటకూర వేసుకుని చింతపండు గుజ్జు,పసుపు,

ఉప్పు,కారం ,వేసి 3 గ్లాసుల నీరు పోసి ఉడికించాలి.

బాగా ఉడికిన తర్వాత అందులో కొత్తిమీర వేసి దింపేయాలి.

పులుసు మరీ నీళ్ళగా వుంటే ఒక స్పూన్ బియ్యం పిండి నీళ్ళల్లో కలిపి

తోటకూర పులుసులో కలపడమే. పులుసు కాస్త చిక్కపడుతుంది.

కర్నాటిక వాళ్ళు ఇందులోనే పచ్చి కొబ్బెర వేసుకొంటారు

కావాలంటే మీరూ 2 స్పూన్స్ కోరిన పచ్చి కొబ్బెర వేసుకోవచ్చు :)

!! మీకు తెలుసా? !!

మునగాకు తీయాలంటే ఎవరికైనా తలనొప్పే

కాని దానికి ఒక చిట్కా వుంది ...చెప్ప మంటారా ?

సరే చెపుతా...మునగాకును చిన్న చిన్న రెమ్మలుగా త్రెంచి

పోలిథిన్ కవర్ లో వుంచి దాన్ని కుక్కర్ లో పెట్టి గాలిచోరకుండా

మూత పెట్టాలి...మర్నాడుదయం పళ్ళెం లో గుమ్మరిస్తే

చాలా విచిత్రంగా ఆకులన్నీ విడిపోయి వుంటాయి మనకూ పని తక్కువ.

!! మీకు తెలుసా? !!

ఖాళీ మూకుడులో కాస్తంత ఉప్పు వేసి బ్రౌన్‌కలర్
వచ్చే వరకు వేగనిచ్చి తీసివేసి
తర్వాత ఆ మూకుడులో ఏమి వండినా నాన్‌ష్టిక్ మూకుడులా పని చేస్తుంది.

పుట్ట్నాల పొడి -- (Gun Powder )

పుట్ట్నాలు
(roasted chickpeas) 2 కప్స్

డ్రై చిల్లీ~~25 గ్రా
(డ్రై చిల్లి మెత్తగా వుంటే కాస్త వేడి చేస్తే బాగా నలుగుతుంది)

డ్రై కోకోనట్ పౌడర్ 1/2 కప్

ఉప్పు తగినంత

అన్నీ మెత్తగా పౌడర్ చేయడమే

( కావలసిన వారు వెల్లుల్లి రెబ్బలు వేసుకోవచ్చు)

ఈ పుట్ట్నాల పౌడర్ కూరలకు,అన్నానికీ,ఇడ్లికీ,దోసకూ

భలే భలే రుచి :)

వంకాయ టోమాటో కూర

::కావలసినవి::

వంకాయ 1/2 కిలో

ఆనియన్ 2

కారం పొడి 1/2 స్పూన్

టోమాటో 3

గరం మసాల పౌడర్ 11/2 స్పూన్స్

జీర 1 టీ స్పూన్

కోత్తమిర సన్నగా తరిగినది 1 కట్ట

నూనే 1 గరిటెడు

::చేసే విధానం::

ముందు వంకాయలు బాగా కడిగి
మీకు కావలసిన షేపు లో కట్ చేసుకొని
ఉప్పు నీటి లో వేసి వుంచవలెను.

ష్టవ్ పై మూకుడు వుంచి అందులో నూనే వేసి కాగిన తరువాత
జీర,కరెపాక్,వేసి అందులోనే తరిగిన ఆనియన్ వేసి దోరగా వేయించాలి.

దొరగా వేగిన తరువాత అందులో గరం మసాల,కారం పొడి, వేసి, అందులోనే టోమాటో వేసి

టోమాటో సగం వుడికినాక వంకాయలు,ఉప్పు పసుపు,వేసి
ఒక మారు అంతా కలయ బెట్టి 5 నిముషాలు ఉడికాక కొత్తమిర
వేసి వేడి వేడి గా వడ్డించడమే..ఇది చపాతికీ,
వేడి వేడి అన్నానికీ బాగుంటుంది.

!! మీకు తెలుసా ? !!

దోసెలపిండి రుబ్బేటప్పుడు ఒక కప్పుడు సగ్గుబియ్యం వేసి

రుబ్బితే దోసెలు విరక్కుండ చిరక్కుండా పల్చగా వస్తాయి !


బియ్యానికి కొంచం మెంతులు వేసి రుబ్బితే అట్లు గట్టిగా వస్తాయి. !

!! మీకు తెలుసా ? !!

బియ్యంలో మట్టి గడ్డలు ఎక్కువగా వుంటే

చారెడు ఉప్పువేసి 10 నిముషాలు నాననిస్తే

మట్టిగడ్డలు నీళ్ళల్లో ఇట్టే కరిగిపోతాయి !

నువ్వు వంకాయ

::కావలసినవి::

తాజా వంకాయలు 1/2 కిలో

శెనగపప్పు 3 టేబల్ స్పూన్స్

నువ్వులు 2 టేబల్ స్పూన్స్

ఎండుమిర్చి 5

జీలకర్ర 1 టేబల్ స్పూన్

మెంతులు 1/4 టేబల్ స్పూన్

ధనియాలు 3 టేబల్ స్పూన్స్

పసుపు 2 చిటికెలు

కొత్తిమిర సన్నగా తరిగినది 3 టేబల్ స్పూన్స్

ఉప్పు తగినంత

నూనె 4 టేబల్ స్పూన్స్

::చేసే విధానం::

వంకాయలు,నూనె,తప్ప మిగతా వస్తువులు అన్ని కొద్దిగా నూనే వేసి వేపి
బరకగా పొడి చేసుకోవాలి.

వంకాయలు నాలుగు వైపులా కోసి ఉప్పునీళ్ళలో వేసి ఉంచుకోవాలి.

వంకాయలలో కొద్దిగా మసాలా పొడిని కూరి పెట్టుకోవాలి.

నూనె వేడి చేసి ఈ కూరిన వంకాయలను వేసి మూత పెట్టాలి.

నిదానంగా చిన్న మంటపై మగ్గనివ్వాలి.

అవి సగం మగ్గిన తర్వాత మిగతా పొడి కూడా కలిపి మళ్ళి మూత పెట్టి
నూనెలోనే ఉడకనివ్వాలి. చివరలో కొత్తిమిర చల్లి దింపేయాలి.

కావాలంటే ఎండు కొబ్బెర చల్లితే రుచి ఎక్కువ.
ఎవరైన వచ్చినప్పుడు కొబ్బెర వేసి చేస్తే బాగుంటుంది :)

వెరైటీ వంకాయ కూర

::కావలసినవి::

తాజా వంకాయలు 1/2 కిలో

(పోపుగింజలు 1 టేబల్ స్పూన్
ఆవాలు,మినపప్పు,చనగపప్పు,
జిలకర్ర,ఎండుమిర్చి.)

పుట్నాల పోడి 2 టేబల్ స్పూన్స్

చింతపండు జ్యూస్ 1 టేబల్ స్పూన్

ఎండు కొబ్బెర కోరినది 2 టేబల్ స్పూన్స్

రుచికి ఉప్పు,చిటికెడు పసుపు.

చిటికెడు ఇంగువ

నూనే:: 1 గరిటెడు

గ్రీన్ చిల్లి 2

కరేపాక్ 2 రెబ్బలు

కోత్తమిర తరిగినది 1 కట్ట

::చేసే విధానం::

( ఈ కూర ఉడికించేముందు 2 నిముషాలే ప్లేట్ మూయాలి
తరువాత మూయకుండగనే వంకాల్ని ఉడికించాలి.
ముక్కలు విరకుండగా,ముద్ద కాకుండగా వస్తుంది.)

ముందు వంకాయలు బాగా కడిగి
చిటికిన వేలంత పోడవుగా ముక్కల్ని చేసికోవాలి.

మూకుడులో నూనె వేసి వేడిచేసి అందులో పోపుగింజలు వేసి
అవి దోరగా వేగాక అందులో ఇంగువ,పసుపు,

చీలికలు చేసిన గ్రీన్ చిల్లీ,కరేపాకు వేసి
అవి కాస్త వేగనిచ్చి అందులో వంకాయ ముక్కలు వేయాలి.

వంకాయ ముక్కలపై ఉప్పు వేసి 5 నిముషాలు వేగనిచ్చి
వాటిపై చింతపండుజ్యూస్ వేసి
బాగాకలిపి 5 నిముషాలు వుడకనివ్వండి.

ఉప్పు,చింతపండు రసం ముక్కలకు బాగా పట్టాలి.

వుడికిన వంకాయ కూరపై పుట్నాల పౌడర్,కొబ్బెర కోరు
వేసి బాగా కలిపి 2 నిముషాలు అట్టే వుంచండి.

కర కర లాడే వంకాయ కూర రెడీ ఈ కూర చపాతికి
వేడి వేడి అన్నానికీ భలే రుచి :)