థాయ్ ఫ్రేడ్ రైస్

!! కావలసినవి !!

బాస్మతి బియ్యం -- 1 కప్

క్యారెట్ -- 1

బీన్స్ -- 15

క్యాప్సికం పెద్దది -- 1

పచ్చీబటాణీలు -- 1/4 కప్

ఉల్లికాడలు -- 1/2 కప్

!! మసాల చేసే విధం !!

పండుమిర్చి పేస్ట్ -- 1 టీ స్పూన్

ఆనియన్స్ -- 2

అల్లం,వేల్లులిపేస్ట్ -- 1 టీ స్పూన్

బెసిల్ ఆకులు -- 10

దనియలు -- 1/2 టీ స్పూన్

జీలకర్ర -- 1 టీ స్పూన్

ఉప్పు -- తగినంత

ఇవన్ని కలిపి పేస్ట్ చేసుకోవాలి.

!! తయారు చేసే విధానం !!

ముందుగా వెజిటెబుల్స్ చిన్నగా కట్ చెసుకోవాలి,అన్నం పొడిగా వండుకోవాలి

మూకుడులొ నూనె వేసి కూరగాయల ముక్కలు వేసి వుడికించాలి.

అవి మగ్గిన తరువాత రేడి చేసుకున్న మసాల పేస్ట్ వేసి పచ్చి వాసన పొయే వరకు వేపాలి.

తరువాత చల్లార్చుకున్న అన్నం వేసి బాగా కలపాలి.తరువాత ఉల్లికాడలు వేసి కలిపి దింపాలి.వేడి వేడి గా తింటే

భలేరుచి మరి మీరూ త్వరపడండి :)

!! మీకు తెలుసా ??? !! చిట్కాలు

పూరీలు బాగా క్రిస్పీగా ఉండాలంటే,పూరీ పిండికి బాగా మరిగించిన ఆయిల్ కలపాలి

లేకపోతే ఈస్ట్ పోడి 1/4 టీ స్పూన్ గోరువెచ్చని నీటిలో

ఈస్ట్ కలిపి పూరీ పిండిలో వెసి కలిపితే చాలా బాగా పూరీలు వస్తాయి

చల్లటి పాలువేసి కలిపినా పూరీలు క్రిస్పీగా వస్తాయి

ఇడ్లీ పిండిలో చెంచా నువ్వుల నూనె వేస్తే ఇడ్లీలు తెల్లగా మృదువుగా వస్తాయి

కాకరకాయ కూర వండేటప్పుడు వీలైతే అందులో రెండు పచ్చి మామిడి కాయ ముక్కలు వేయండి.

చేదు తగ్గడమే కాదు, కూరకు కొత్త రుచి వస్తుంది

గులాబ్ జాం తాయారు చేసేందుకు పిండి కలిపేటప్పుడు పిండిలో కాస్త పన్నీరు కలపండి. అవి

మృదువుగా రుచిగా ఉంటాయి. చల్లటి పాలు కలిపినా మౄదువుగా కాకుండగా విరక్కుండగ వస్తాయి.

చపాతీ పిండిని పాలు లేదా గోరువెచ్చని నీళ్ళు లేదా కాస్త నూనె కలిపి గంటపాటు నానబెడితే చపాతీలు మృదువుగా వస్తాయి.

సలాడ్ కోసం పళ్ళు ముందుగానే కోసి పెట్టుకున్నా అవి నల్లగా మారకుండా ఉండాలంటే,

వాటి మీద నిమ్మకాయ రసం లేకపోతే తేనే వేసినా పళ్ళు నల్లగా మారవు

ఫ్రైడ్ రైస్ చేసేప్పుడు నీళ్లు బదులుగా పాలు వాడితే అన్నం రుచిగా ఉంటుంది.

దాల్ ఫ్రై

పెసరపప్పు -- 100 గ్రా

పచ్చిమిర్చి -- 3

అల్లం -- చిన్న ముక్క

వెల్లుల్లి -- 3

జీలకర్ర పొడి -- ఒక టీ స్పూను

ధనియాల పొడి -- ఒక టీ స్పూను

కరివేపాకు -- ఒక రెబ్బ

ఉప్పు -- రుచికి

పసుపు -- 1 చిటికెడు

పోపు సామాగ్రి -- 1 టేబల్ స్పూన్

!! చేసే విధానం!!

ముందుగా పెసర పప్పు ని ఉడికించుకోవాలి

తరువాత ఒక బాణలి తీసుకొని అందులో రెండు టీ స్పూన్ల నూనె వేసి కాగనివ్వాలి

ఇప్పుడు కొద్దిగా ఆవాలు మరియు జీలకర్ర వేసి వేగ నివ్వాలి

అందులో అల్లం మరియు వెల్లుల్లి ముక్కలు వేసి వేగ నివ్వాలి

తరువాత పచ్చిమిర్చి మరియు కరివేపాకు కుడా వేసి వేగ నివ్వాలి

ఇప్పుడు వుడికించుకొని పెట్టుకున్న పెసర పప్పుని వేసి బాగా కలుపుకోవాలి

తరువాత కొంచెం పసుపు ,జీలకర్ర పొడి,ధనియాల పొడి,మరియు ఉప్పు వేసి ఉడక నివ్వాలి

2మినిట్స్ ఉడకనిచ్చి దిన్చేసుకోవచ్చు కొత్తిమీర వేస్తే మరీ రుచి

ఇది చపాతికి,రోటికి,పరోటాకి,వేడి వేడి అన్నానికి

నేయ్యివేసుకొని తింటే భలే రుచి మరి మీరూ దాల్ ఫ్రై చేసుకొంటారా?

రవ వాంగిబాత్

!! కావలసినవి !!

చిరోటి రవ -- 1 కప్పు

వాంగిబాత్ పౌడర్ -- 3 స్పూన్స్

వంకాయలు -- 5

పోటాటో -- చిన్నవి -- 2

టోమాటోస్ -- 3

గ్రీన్ చిల్లీ -- పెద్దవి -- 2

కరేపాక్ ఒక రెబ్బ

కొత్తమిర తురుము -- 1 -- టేబల్ స్పూన్

అన్నీ కలిపిన పోపుగింజలు -- 1 టేబల్ స్పూన్

పచ్చికొబ్బెర -- 1/4 కప్

వేయించిన జీడిపప్పు ముక్కలు 20

నీళ్ళు -- 2 -- కప్పులు

ఉప్పు -- తగినంత

నెయ్యి -- 2 --టేబల్ స్పూన్స్

నూనె -- 1/4 కప్

కరేపాక్ -- 2 -- రెబ్బలు

!! చేసే విధానం !!

చిరోటి రవ కొద్దిగ నెయ్యివేసి దోరగా వేయించుకోవాలి.

వంకాయలు,పోటాటో,టోమాటో,లు మీకు కావలసిన షేపులో కట్ చెసి

నీళ్ళల్లో ఉప్పువేసి వుంచండి.

పచ్చిమిర్చి,కరేపాక్, కట్ చేసి వుంచుకొండి.

ఇప్పుడు ష్టవ్ పై మూకుడు (Wok) వుంచి అందులో ఒక గరిటె నూనె వేసి

నూనె కాగాక అందులో పోపుగింజలు కరేపాకు వేసి ఆవాలు చిటపట అన్న తరువాత

అందులో పచ్చిమిర్చి,కరేపాక్ వేసి,అందులోనే తరిగిన వంకాయలు,పోటాటో,

టోమాటో లు వేసి అవికాస్త వుడికాక వాటిపై వాంగిబాత్ పౌడర్ వేసి

బాగా కలయబెట్టి నీళ్ళు పోసి ఉప్పువేసి నీళ్ళు బాగా తెర్లేవరకు

వుంచి అందులో రవ వేసి బాగా కలపాలి వుంటలు కట్టకుండగా కలపాలి.

రవ గట్టిగా పొడిపోడిగా మౄదువుగా రావాలి అందులోకి

మిగిలిన నెయ్యి, కొత్తమిర, జీడిపప్పు,వేసి సర్వ్ చేయడమే

ఘుమఘుమలాడే రవ వాంగీబాత్ తయార్ :)

!! వాంగిబాత్ పౌడర్ చేసే విధానం !!

చెన్నాదాల్ -- 1 కప్

మినపప్పు -- (Urad dal) --1 కప్

ధనియ -- 3/4 - కప్

డ్రై చిల్లీ -- 25 గ్రా (కారం తగినంత)

లవంగాలు -- 3 ( clove )

చెక్క (Cinnamon stick) 1

ఎండు కొబ్బెర --(dessicated coconut)-- 1/2 కప్పు

జీడిపప్పువేయించినవి -- 4

!! చేసే విధానం !!

ముందు మూకుడు ష్టవ్ పై వేడి చేసి అందులో

విడి విడిగా అన్నీ దోరగా వేయించుకోవాలి

కొబ్బెర కొద్దిగ వేడి చేస్తే చాలు

తక్కిన వన్నీ దోరగా light golden brown వేయించి

అన్నీ గ్రైండర్లో మెత్తగా పౌడర్ చేసుకొని పక్కనుంచుకోవాలి.