Sunday, January 28, 2007

బీన్స్ పొరియల్

బీన్స్ 200 గ్రా
శనగపప్పు 100 గ్రా
పచ్చిమిర్చి 10
కొబ్బెర తురుము 1/2 కప్పు
అల్లం చిన్న ముక్క
నూనె 100 గ్రా
కరేపాక్ , కోత్తిమీర 2 టేబుల్ స్పూన్స్ తరుగు
తాలింపు గింజలు 2 టీ స్పూన్స్
ఎండుమిర్చి 2 ,ఉప్పు , పసుపు , తగినంత

చేసే విధానం::

శనగపప్పు కడిగి 2 గంటలు నాన బెట్టి జల్లెడలో వేసి నీరు తీసి, పచ్చిమిర్చి , కొబ్బెర , అల్లం , శనగపప్పు , మిక్సిలో వేసి ముద్ద చేసి ఉంచండి . కొంచెం నూకగా రుబ్బాలి , మెత్తగా వుండకూడదు . బాండిలో నూనె వేడి చేసి తాలింపు వేసి ఎండుమిర్చి , కరేపాకు వేసి దోరగా వేగాక బీన్స్ తరుగు , వేసి, మూతపెట్టి వుడికించి , ముక్క వుడికిన తరువాత పసుపు , రుబ్బిన శనగపప్పు ముద్దను , ఉప్పు , వేసి , బాగా దోరగా వేయించి , అట్లకాడతో వేయిస్తు వుండాలి . ముద్ద బాగా పొడి పొడి గా అయ్యేంతవరకు వేయించి కోత్తమీర వేసి సర్వ్ చేయండి , బీన్స్ పొరియల్ నెయ్యి వేసిన రైస్ లోకి , సాంబర్ రైస్ లోకి , రసం రైస్ లోకి , చాలా రుచిగావుంటుంది . ఇది తమిళులు ఎక్కువగా చేస్తారు .

కాకరకాయ వేపుడు


1/4...................కాకరకాయలు ,
ఎండు కారం...............1 టీ స్పూన్ ,
ఉప్పు తగినంత ,
జీరా...................1 టీ స్పూన్ ,
నూనె తగినంత ,
50.............................గ్రాముల ఆనియన్స్
2.......................వెల్లుల్లి రెబ్బలు ( ఇష్ట పడేవారు ) .

చేసే విధానం::

కాకరకాయలు కడిగి గుండ్రంగా చక్రాలుగా కట్ చేసి ఉంచండి,
అవితీసి ప్లేటు లో పెట్టి , ఆనియన్స్ ను కట్ చేయాలి గుండ్రంగా
మూకుడులో నూనె వేసి , కాకరకాయ ముక్కలను వేసి బాగా వేయించి
ఆనియన్ తరుగు వేసి ఎర్రగా వేయించి , మూకుడులో నూనె తీసి ,
వేపుడు ముక్కలలో జీరా వెల్లుల్లి దంచిన ముద్దను , కారం , ఉప్పు , వేసి
రెండు నిముషాలు వేయించి తీయాలి
కరకరలాడాలంటే ఎర్రగా వేయించాలి
మెత్తగా కావాలంటె ముందే తీసేయాలి
రుచికి రుచి..వంటికి ఆరోగ్యకరమైన వంటకం

దోసకాయ పచ్చడి


దోసకాయలు -- 2

కోత్తమీర కట్ట -- 2 ( చిన్నవైతే 2 పెద్దవైతే 1 చాలు )

గ్రీన్ ఛిల్లీ -- 4

ఎండుమిర్చి -- 6

మెంతులు ఓ -- 20 గింజలు

ఆవాలు -- 1 టేబుల్ స్పూన్

మినపప్పు - - 2 టేబుల్ స్పూన్స్

జీర -- 1/2 స్పూన్

ధనియాలు -- 1/2 స్పూన్

నూనె తగినంత

చింతపండు నిమ్మకాయంత

విడిగా పోపు గింజలు

ఇంగువ , పసుపు , తగినంత ఉప్పు .

!!!!! చేయు విధానం !!!!!

ముందుగా ఒక దోసకాయని సన్నగా తరుకోని వుంచండి.

చింతపండు నానబెట్టి గుజ్జుతీసి వుంచండి .

మూకుడు వేడి చేసి అందులో ఆవాలు , మెంతులు , మినపప్పు , ధనియాలు , ఎండుమిర్చి,

అన్నీ కొద్ది నూనెలో దోరగా వేయించుకొండి .

రెండో దోసకాయను మీకు ఏసైజు కావాలో ఆ సైజు లో తరుక్కోని

గ్రైడర్లో వేయించిన గింజలు, రెండో దోసకాయను

చింతపండు , కోత్తిమీర తరుగు , గ్రీంచిల్లీ , ఉప్పు

పసుపు , అన్నీ వేసి గ్రైండ్ చేసి అందులోనే ఎండుమిర్చి ఇంగువతో పోపు వేసి ఈ సన్నగా తరిగిన

దోసకాయను అందులో కలిపి ఆరగించండి చాలా చాలా రుచిగా వుంటుంది :)

బంగాళాదుంప బంపర్ మసాలా వేపుడు

మీ అభిరుచిని బట్టి ఉప్పు , కారం , అరచంచా ,
గసగసాలు...................3 చెంచాలు
ధనియాలు కొద్దిగా ,
చెక్కా .........................2 లవంగాలు 2 ,
3..............వెల్లుల్లిపాయలు ,
10 ............నీరుల్లిపాయలు ,
చిన్న అల్లం ముక్క ,
పావుకిలో నూనె ,
1 కిలో ................బంగాళా ( గోళీ ) దుంపలు .

చేసే విధానం::

మనం కొన్నవి చిన్న చిన్న గుడ్రపాటి గోళీలాంటి బంగాళదుంపలైతే ఒకసారి కడిగేసి వుడికేయాలి ,


వుడికేసేముందు ఆ నీళ్ళ లో ఉప్పు , పసుపు , వేయాలి ,

వుడికాక తొక్కతీసి ( వేడి తగ్గిన తరువాత ) పెట్టుకోవాలి .

అల్లం , వెల్లుల్లి , చెక్కా , లవంగం , ధనియాలు , గసగసాలు , నీరుల్లిపాయలు ,

అన్నీకలిపి ముద్దగా నూరాలి , నూనె కాచి , మసాల ముద్దను వేయించి ,

పచ్చివాసన పోయేదాకా వేయించాలి .

బంగాళదుంపల్ని అందులో గుమ్మరించి మాంచి వేపుమీద వున్నప్పుడే

తగుపాటి ఉప్పు కారాలుకూడా తగిలించి బాగా వేగనిచ్చి దించుకోవాలి .

వేడి వేడి అన్నంలోకి యమరుచిగా వుంటుంది.~~మరి మీరూ TRY చేస్తారాండీ :)

ఆలూ చిప్స్

ఆలూ ----------------------1 కిలో ,
నూనె ----------------------300 గ్రా
జీరా -----------------------1 టీ స్పూన్ ,
ఉప్పు--------------------- 1 టీ స్పూన్ ,
కారం -------------------- 1 టీ స్పూన్,
ఆం చూర్ పోడి------------- 1 టీ స్పూన్ .

చేసే విధానం::

ఆలు బాగా కడిగి పొట్టు తీసి పలుచగా ఆలు చిప్$స్ కొట్టే పీటపై కొట్టాలి ఆలు చిప్$స్ ఒక పొడి బట్టపై వేసి, ఆరిన తరువాత , బాండీలో నూనె వేడి చేసి , బాగా వేడి అయిన తరువాత , ఆరిన చిప్$స్ పచ్చివి బాండిలో కొన్నివేసి వేయించి జల్లిగరిటతో తీసి పేపర్ పై వేయాలి . అలా అన్ని చిప్$స్ వేయించుకొని తీసి , మళ్ళీ 5 నిముషాల తరువాత నూనె వేడి చేసి చిప్$స్ ఎర్రగా వేయించాలి , అప్పుడు బేసిన్ లో తీసి , ఉప్పు , కారం , జీరా , ఆం చూర్ ,పొడి కలిపి తింటే చాలా బాగుంటాయి . రెండుసార్లు వేయించడం వలన చాలా కరకరలాడుతాయి . చల్లార్చి ఎయిర్ టైట్ డబ్బాలో వేసి పెడితే చాలా రోజులు నిల్వ ఉంటాయి :)

teluguone site lo nidi

అరటి వేపుడు ఉల్లిమసాల

చేసేవిధానం::

5 అరటికాయలు చెక్కుతీసి మజ్జిగలోకి ముక్కలుగాతరిగి ,

మరుగుతున్న నీళ్ళలోవేసి ఓ పొంగు వచ్చాక , దింపి వార్చి పెట్టాలి .

పావుకిలో ఉల్లి , 3 అల్లం ముక్కలు , ముద్దగా నూరి ,

50 గ్రాముల నూనె లో వేసి 10 నిముషాల వేగనిచ్చి

తరువాత అందులో అరటి ముక్కలు , రుచిని బట్టి ఉప్పు , పసుపు , వేసి

మూతపెట్టాలి . మధ్య మధ్య అట్ల కాడతో కలుపుతూ ఎర్రగా వేగాక దింపుకోవాలి . :)