తీపి గవ్వలు

కావలసినవి::

మైదా.....................250 గ్రాం
నెయ్యి లేదా డాల్డా...50 గ్రాం
ఉప్పు చిటికెడు...........
నూనె.....................250 గ్రాం
చక్కెర....................250గ్రాం
యాలకులు............5

చేయవలసిన విధానం::

ముందుగా చక్కెరలో సగం గ్లాసు నీళ్ళు పోసి తీగ పాకంలా చేసి అందులో యాలకుల పొడికలిపి పెట్టుకోవాలి.
మైదాపిండిలో కాచిన నెయ్యి కొద్దిగా ఉప్పు వేసి కలిపి చపాతీ పిండిలా కలిపి పెట్టుకోవాలి.

గవ్వల పీటకు నూనె రాసి పెట్టుకోండి.

మైదాపిండిని రెండుచేతులతో బాగా మర్ధన చేసి చిన్న చిన్న ముద్దలుగా చేసి పెట్టుకోవాలి.

ఇప్పుడు ఈ మైదా ముద్దను గవ్వల పీటపై బొటనవేలితో వత్తుతూసాగదీయాలి.

దానిని మెల్లిగా చుట్టెస్తే గవ్వలా ఉంటుంది.అలా అన్ని గవ్వలా చేసిపెట్టుకుని వేడి నూనెలో నెమ్మదిగా వేయించాలి.

గవ్వలు వేడిమీద ఉండగానే పాకంలోవేయాలి.

పాకం పీల్చుకున్న తర్వాత తీసి విడివిడిగా ఆరబెట్టి డబ్బాలో వేసిపెట్టుకోవాలి.మరి మీకు నచ్చితే నాకో....తెలుసుకదా :)