మామిడికాయ ఆకు కూరల పచ్చడి

మామిడికాయ ఆకు కూరల పచ్చడి 

ఈ పచ్చడి 15 రోజులు నిలవవుంటుంది

కావలసినవి::

పచ్చి మామిడికాయ ముక్కలు::::::1 కప్పు
తోటకూర,పాలకూర,తరిగినది::::::::2 కప్పులు
పుదిన,కొత్తమీర :::::::::::::::::::::::1 కప్పు
పచ్చిమిర్చి ::::::::::::::::::::::::::::4
వెల్లుల్లి రెబ్బలు:::::::::::::::::::::::::4
పసుపు,ఉప్పు తగినంత

నూనె తగినంత

తాళింపుకు కావలసినవి:: 

ఆవాలు,జిలకర,చనగపప్పు,
మినపప్పు,ఎండుమిర్చి,కరివేపాకు అన్నీ పోపుకు తగినంత వేసుకోవాలి
రెండు వెల్లుల్లి రెబ్బలు పాయలుగా కట్ చేసి ఉంచండి.


పచ్చడి చేసే విధానం::

ష్టవ్ వెలిగించి దానిపై పాన్ పెట్టి అందులో ఒక స్పూన్ నూనె వేసి
అందులో పచ్చిమిర్చి వేసి దోరగా వేపండి.

వేయించిన పచ్చిమిర్చి తీసి అందులోనే తోటకూర,పాలకూర,పుదిన,కొత్తమీర,
వేసి పచ్చివాసన పోయే వరకు వేయించండి.

ఇప్పుడు ఈ వేయించిన వన్నీ..గ్రైండర్లో వేసి అందులోనే మామిడికాయముక్కలు
రెండు వెల్లుల్లి రెబ్బలు,ఉప్పు పసుపు వేసి మెత్తగా గ్రైండ్ చేయండి.

ఈ గ్రైండ్ చేసిన పచ్చడిలోకి 

పాన్ లో ఒక స్పూన్ నూనె వేసి..

ఆవాలు,జిలకర,ఉద్దిపప్పు,చనగపప్పు,ఎండుమిర్చి వేసి 

ఆవాలు చిటపట అనగానే రెండు వెల్లుల్లి రెబ్బలు సన్నగా తరిగి అందులో వేసి

కరివేపాకు వేసి పచ్చడిలో కలపండి. ఈ పచ్చడి చపాతికీ,

వేడి వేడి అన్నానికి కలుపుకొని తిని చూడండి! ఆహా...ఏమి రుచీ